Ovver te Laat, kalkliene en abrikoëze

ODe klok haaj al half 10 geslage, ma de vroege groep waas nag in gen velde of waege te bekenne,  ma toen ging dun tillefoon beej de Rookie in de tès.

De veurzitter aan de lien….”We zien en paar minute later”, luujde zien korte   boëdschap.

Waat volgde waas ut nuedige gegreek onder de Krukke. “Ut mot gen gewoënte waere , de vurrige waek waas ie ok aal te laat”, gevolgd door de opmerking: “Heej begint al en bitje last te kriege vaan ut LTH-syndroom. Ennen enkeling opperde zelfs, daat, as ut zoë mot, ut tied wuurd,  daat we eum royere as veurzitter, want di mot toch ut veurbiëld gaeve. Echter heer woort al gauw op terug gekome, ieder zich realiserend, daat vur daat baantje toch genne hoond te vinge is. Ma eind goot, aal goot…5 minute later aas gepland, kwoam de veurzitter mit in zien kielzog en schon  gezelschap dun hook um. Onderwiel zichzelf excuserend woord mit 20!! A`s vertrokke in noordelijke richting mit as wietste punt de brug tussen Oeffelt en Gennep. Veul velt dur verder neet te vermelde ovver dit ritje, alliën daat Roadrunner de iër ten diël veel um vandaag dun iënigste lekken band op zien conto te moge schrieve en daat ut verhelpe vaan dit euvel waal verrekes lang deurde.

De B’s, sinds kort in ut gezelschap vaan Obelix, excuses, Obelisk. Sinds de jongste vergadering stiët ziene naam zoë in de notule vermeld, umdaat volges eige zegge de X teveul aan de maot XXL deej denke en daat vong ie “nou jammer”.

12 man aant vertrek, inclusief iëne gastrenner, de Slechter oet Zerum. Volle naef vaan ozzen eige Slechter, Theo de Butcher, woh aover later mier. Ge zut da zegge, slechter kaan neet. Ma toch, De Nightrider, waas nag slechter. Halverwaege ging ie hiëlemoal kapot. Zelfs op R2 (les: 2de reej vaan vurre aan de rechse kant), kos ie ut peloton neet volge en mos ie af en toe en helpend hendje in de rug hebbe. Toen dur in de finale, net boete Cassèle, zich nag waat malleur aandinde binne ut peloton en dur enne korte stop ingelast mos waere, besloot de Night Rider door te fietse. Um verder neet tot ballast te zien. Stiekem haaj heej ok dun hoap um zoë de ovverwinning in dees etappe nag noa zich toe te trekke. Ut peloton , inmiddels wer onderweg, naderde um in driej tempo. Die ovverwinning woort um ni gegund. Ut ging dur op en dur ôvver, de Nightrider beduusd (en baeter  Horster woard schuut meej efkes neet tebinne) achterloatend. Lid vaan de waek is Theo dun Butcher, umdaat heej en ritje mit de Krukke verkiest baove ut trekke vaan fatsoenlijke liene op ut voetbaltrein en doamej ut risico luêpt gans voetbalminnend Miëterik ovver zich hin te kriege. Volges de Gazet (inzet rechs)vaan afgeloëpe maondaag woort de wedstrijd intreent afgelast, umdaat  dur genne fatsoenlijke kalkliën te zeen waas. Ma gelukkig vur Theo leep dit mit enne sisser af, intaegestelling tot de wedstrijd zelf. Of zuj de

Butcher aal en slecht veurgeveul

gehad hebbe en dit debacle

hebbe wille veurkome???

Tot slot: Gerard Cox bezong ut in 1987 aal is in zien

hitje “Strakke blonde meid op een racefiets”. Ik citeer:

 “En hooghartig als van adel, deinst de perzik boven het zadel”.

Waat het daat nou wer mit de Krukke te make, zudde zegge. Nou de B’s haaje mier aandacht vur abrikoës, daan waal perzikvûrmige rondinge vur zich op de fiets, dan de stiëntjes op ut asfalt. Gevolg: lek vur Sneaky Franky. Genietend van aal dit schons, zog ie enne stiën ovver de kop en tegge dees  spanning waas gelukkig alliën zienen band ni bestand.