auteurspaad

auteurspaad

Of daat de ierste zomerse daag ut deej of umdaat iederiën in de zón het geleage maar niemand haaj zin um un verslaag te make.Zui òk kunne zien umdaat Tom Dumoulin ni de Giro kós winne vanwège ze um vaan zien fietske hebbe geknald. Durrum heb ik meej maar ôp auteurspaad begève. In ále vroegte beej ziene  ierste rundje moos oze veurzitter al un veroongelukt vöske vaan de weag slijpe deen un arijjing ni oaverleft haaj. Mit maar 4 renners óp deze zôndaag iërs de proloog gedaon te hebbe ginge de A’as um nege oor  mit nege wégrenners tegge de wind i richting Ell. Óp d’n terugwég mit de wind in de rug goof de ploogleider ‘t kommando: gas d’r óp en jaowaal de twië alste (al AOWers) jooge ‘t tempo naor un huügte ván zon viefenvertig kilemèters. Maar daat kwom de renner din de vurrige weak hos d’n hemel i gepreze woar deur te staon. Pap in de biën haaj heej, ‘t ging ni mier en steun in de rug deej woondere tot in Zerum. Toen het heej de rest maar laote gaon. Ôp de Speulhofsbaan mit de finish in zicht ging ‘t zò haard daat ze beej ‘t voetbalveld gedugtig in de remme mooste kniepe, jaomer vur Herby di net oet ut spoar vaan de leadout ván de Stoemper wooj kome , anders haaj heej mit de bloome naor hoes mooge  gaon. Joa , de Stoemper kaan nog haarder ás heej de groëte plaat d’r afschroefd want heej wet ni dát die d’r ópzit, aal ballast.
Vaan de B’ees wiënig neejs aas daat ze Brabant i zie gegaon  , of ze nog ni terug zien niks vaan bekend ,en drie man die komend wiekend mit zes andere nor Oëstenriek gaon hebbe de Brabantse Strade Mill  afgekaggelt. 

Reacties zijn gesloten.