En zoë is ut ma krèk. Want, eindelijk…..op dun 1 ste zondaag vaan deze mônd goan de Krukke wer gezamenlijk op paad vur ur waekelijkse rundje door dun umgaeving…oppe racefiets, waalteverstoan. Ma ik vermoed daat ut nag ni druk zal zien aan ut vertrek, umdaat veul Krukke mujte zulle hebbe um de deur aope te kriege ut komend weekend, umdaat de carnaval dur veur stiët.
Afgeloëpe winter is ieder zoë op zien eigese manier doorgekomen. Op de mountainbike, in de sportschoël, of vaan tïed tot tiëd en rundje renne, want die hedde dur ok beej. Ma ok ennen enkeling ovverweenterd in Spanje en zurgt doa daat de conditie goot op peil blieft door en trainingsrundje te make mit de wielerdames en Sunwebmaatjes vaan Tom Dumoulin. Ma ja dees luxe is os neet allemaol gegaeve.
Afgeloêpe zondaag ging en klein delegatie vaan en man of 9 as afsloeting van ut MTB-seizoen de Seurentocht aan de Melderse reeje. Onder prachtige waers-umstandigheden woort dun tocht afgeraffeld. De jonges en megjes vaan Neetfit haaje wer duudelijk eur best gedoan, um dur wer enne prachtige tocht vaan te maken. Mit en goj verzurgde pauzeplaats en noa dun tied in de voetbalkantine, ut volges traditie, lekkere stukske vlaai.
Enne gas waeke geleeje woorte de Krukke opgeschrikt door en appje vaan de Viëarts. Heej steurde en berichtje vaan ziene racefiets, di waas beej eum thoes oet de graasj geklauwt (foto rèchs). Pliesie gebeld, aangifte gedoan, de bekende zaken. Gelijk reacties vaan verschillende Krukke. Geschokt, ma veuraal bezurgd um ut feit daat ut inbraekersgilde aan de Miëterik aant roêve geslage waas, woorte sluij gauw vervange en de deure extra gebarricadeerd. Noa en paar waeke woort toch nag maar is veurzichtig geïnformeerd beej de Viëarts of ie nag waat vaan ziene fiets gehuurd haaj. Ut antwoord waas en nou citeer ik um letterlijk: “Zal t zsm hielemoal oet de deuk doon. Mar heij is trug op zien plats!” Doa bleef ut verder beej. Echter Jerommeke (di kleine op de foto leenks), haaj enkele daag mit de Viëarts doorgebrocht op Texel, um doa te mountainbiken en eum waas ut relaas in discretie verteld. Ma Jerommeke, de klokkeluujer van de Krukke, haaj dit neejs binne de kortste kiere “gelekt”. Waat bleek nou, De Viëarts waas op enne merge mit de fiets noa zien werk gegoan, en haai di bliekbaar doa urges neergezatte. 3 waeke doanoa zuut ie opèns tot zien verbazing ziene fiets doa achter zien operatietaffel stoan. Nou vroag ik meej 2 dinge af: Hoe is ie toen da thoes gekome? En werkt di ma vort zò weinig, daat ie um 3 waeke durnoa doa pas wer vingt. Ma 1 ding is zeker, de Pliesie hèt ie toch waat oet te legge gehad.
Nou dit waas ut wer. De kop is dur af. Ik wens iederiën enne schonne vastenaovund mit veul lol en plezeer, ma zeker goot oetkieke mit ovverstaeke en veuraal en schon en veilig fietsseizoen. Alaaf!!!!
Ojjáh, denkte aan de leejevergadering op
16 maart um 8 oor (’s oavus).