Flarden vaan gesprekken op dn Zondage merge.

Flarden vaan gesprekken op dn Zondage merge.

Vandaag waore dr wir diverse groepe vaan de Krukke
onderwaeg. En idderien haj zn eige gesprekstof. Allerierst
natuurlik de vroege groep um ach oor. Ik koos heer waal de
name neume, ma hoe die precies gespeld waere, wiët ik ok
ni precies en ze staon helaas ni mier op de site. Um 9 oor
kwaome dr 10 A Krukke beej. Vaan de Veurzitter kreeg ik
dae morge um 13.00 oor te huure dat ik ni in ut stukste
mogde schrieve daat heej smorges alweer te laat waor.
Daat woj ik ok ni dô, maa umdaat iën kruklid meej de
volgende 6 zinne haet geappt, ontkoom ik er ni a. Ozze
veurzitter waas wer te laat en de A’s keeke mekaar is a.
Wienimt de zwoare taak vaan de route op zich? Oeteindelijk
fietst Hanscelara ma a in de richting vaan de Wellsche hut
vur un rundje Duitse binnenlande. Inmiddels is de veurzitter aangesloate. As rede: op tied opgestoan
ma te lang noa F 1 gekeke, woh eigelik niks aan waas….
Beej de B’s 6 Krukke aan de start. Ok dao unne flinke weend, ut weïde overal vaan links en rechs dr
tusse daor, ge kôs ni ech wegkroepe achter un brieje bôks (dr waore dr ok gen..). De wegkapitein,
the Jollie Joker (de lollige bôks), goof onderweag a daat heej ut hiele nuttige trainingskilomaeters
vong en daat heej gaer in ut stukste vermeld zoog staon daat heej un oproop woj doon aan alle
Krukke, die in ut veurseizoen enkele tochten noodgedwongen mooste misse, um zelf ok waat extra
te traine zoëdaat ut straks waat mekkeliker giët want de trein kaan ni beej iddere halte stoppe…?
Tjonge jonge, verstendige praot, waovaan akte!
Dr waore ok 2 Krukke in de bös gaon fietse. Wurum det da? Wel, ze hajje allebei unne nijje
mountainbike, ongevaer precies dezelfde, en die fietse hajje zich nog ni aan elkaar veurgesteld…?
“Hebbe jullie un foto op jullie tillefoon vaan die neeje fietse?” vruugd unne Kruk (ff zonder
naamsverwijzing). Ni, daat waas ni ut geval, met als wedervroag “ma hedde geej daan waal un foto
op ówwe tillefoon vaan owwe neeje motor of beveurbild vaan ow vrouw?” Ni, ok ni waas ut
antwoord, “want ôvveral waorop ik kaan reeje, zet ik bewust ni op de foto…”.
Twië andere Krukke hajje de veurige waek de fietse op de Twinnylaod gelaje en waore in ut Zuuje de
heuvels gaon bedwinge. Dr woord vandaag nog ovver naogeprôt, zô schôn. Ok de hinwaeg, wao de
pliessie langs de kânt vaan de waeg stond te knippe veur de snelheid. “Hedde die doa zeen staon?”
vruugd de passagier aan de chauffeur. “Jao, natuurlik! Ik heb ni veur niks de kroëscontrol precies op
120 ingesteld!” “En wurum staon dr steeds vaan die ronde witte borde met roeje cirkel met un iën
en twië nulle daan langs de waeg…?”.
En natuurlik kwaom de Truckrun um iën oor langs ut café gereeje, un
geweldig spektakel. De Beul zaot al 20 minute op zien kruk op en neer
te wippe en steeds mit unne lange nek nao boëte te gape. “Zit toch s
stil”, zaet Naj Kee, “ik heb ôk un groët riebewies en ik zit toch ok ni op
en naer te wippe? En boëte schient de zon volop, die chauffeurs zeen
ech waal iets anders um nao te kieke in plaats vaan nao waat manne
heej in de kroeg”. “Jaojoa” zaet de Beul, “ik mot al 20 minute pisse,
ma 3 auto’s vaan mien bedrief reeje mei en taege die chauffeurs heb
ik gezâg daat ik heej binne zit en daan nao hun zwaai”. “Daat zeg ik”
zaet Naj Kee, “die kiëke ech ni heej nao binne”.