TWC de barkruk

Op deeze zondaag woort door zoëwel de A’s âs de B’s de huugtemaeters opgezôch, maa dao ôvver
later miër. Iërs ff trug nao de letste woensdaag.
Zoëwel de A’s âs de B’s stônge beej Ger klaor um aan hun waekeliks rundje te beginne, kump dao op
ut letste moment nog Pi Air Rebellin aangescheurt …. mit zien vrouw. “Hee B jônges, moog ik en
mien megje met jullie ut rundje meifietse”? De B’s keeke mekaar es efkes à, waat hebbe weej now
aan ôzze renfiets hange? Maar al gauw kwaom dao ut spontane antwoord: ”Ja, geej het ze now toch
al beej ow, en ze alliën trug nao hoês steure is ôk al zoë iets”. `Now môtte wiëte daat normaal
gesprôke dr altIëd door sommige Krukke aan ut begin vaan de toch zoëiets gezâg wuurt vaan: ”rustig
a wah, ni te gek wah, ni te wiet wah, mit 26 km opstarte en daonao rustig nao de 27 km”. Maa now,
niks vaa daat alles. De buukskes woorte ingetrôkke en Sneaky Franky same met Chicken Antoni
noome de kop: met 30 km ut oor woort dr metiën flink vaa bil getrôkke. Kwaom daat door …? Ai, ze
het nog genne Krukkenaam, dus zeg maa het Vrouwelijk Anoniem Meefietsend Persoon (aafgekort
VAMP). En die snelheid leep alliën maa op. Totdaat Pang…, lek vaa
The Butcher. Paniek alom, dao ging ut gemiddelde. Nao waat
gestuntel loog di nijje binneband dr toch op en Obelisk, dae toch
maa ff geholpe haj en keek nao zien vettige jatte, kôs ni naolaote te
zegge daat de speklappe vaan The Butcher ni zo vettig waore as zien
velge. Wir waat later trammelant mit de fiets vaan de neef vaan The
Butcher. Daat woort gauw opgelost maa ff later wir un malleur à
dae fiets: het is waat mit die famielie. Ondertusse waar ut
gemiddelde flink gezâkt, maa de snelheid woort wir ver baove de 35
km opgepakt. Op un gegaeve moment kump de Jolly Joker vaan
achter oët ut peleton nao veure gekwaakt: “Jônges, jônges, de
sterke mannen motte now à kop want dr mot baove de 30
gemiddeld gefinished waere”. Ut mot ni gekker waere beej de B’s:
waat un VAMP al ni ken daon in een haaneren. Maa in ieder geval
wuurt dit gemiddelde vurtaan de standaard op woensdaagaovend.
De zondaag: de A’s waore um 8 oor vertrôkke nao Berg en Dal: 133 km, 747 huugtemaeters en 3.148
kcal verbrand. “En jonges, nog iets leuks meigemâk veur in ut Krèntje?”. “Nae…, niks eigelik”. Tjonge
jonge, dao kriegde ut Krèntje flink mei volgeschreeve. De B’s hajje Pruuse onveilig gemâk: Hinsbeck,
Grefrath, Oedt, Hagenbroich, Schlibeck, Oirlich, Hombergen. “Nou nou, daat zien veul plaatse,
normaal zien daat dr veul minder op die route”. “Daat kump daor Jolly Joker, al 10 jaor de
wegkapitein dao in Pruuse, en reejt veur ut derde jaor op reej beej dezelfde kruusing rechdoor in
plaats vaan rechs âf, durum môs dr alwir kriskras door de dörpe gezôch waere nao de route”.
Allemaol trug beej Ger op ut terras, giët ut ovver de Tour: “Jaomer daat Wout van Aert is oëtgevalle,
dae haj Steven Kruiswijk nog kunnen helpe bergop”. “Nieje nieje, dae Wout is ovver de 80 kilo, daat
wuurd waat moejlik”. “Waorum daat dà” zaet de Pitbull, “ik bin ôk zwaorder as 80 kilo en ik fiets
ôk”. “Jao jao” zaet Nai Kee, “ma geej kôs vandaag toch ok ni klumme..?”. Bon. Kump dr unne motor
neave flitse mit unne reejer dr op dae un t-shirt mit korte mauwe à het. “Tjonge jonge” zaet Long
Tall Harry, “as dae velt, haet heej zien vel duchtig geschaafd, onbegriepelik”. “Waorum daat dà?”
zaet Antonio de Beul, “un neej t-shirt is veul goejekoëper daan unne deure motorjas”. Metiën kump
dr unne luxauto mit Deens kenteken de kruusing ovver gescheurd. “Dr zoote dr 4 in, maa genne
hônd keek nao rechs of dr unne auto oët de straot kwaom” rupt El Coyote. “Daat ken ôk ni, dr zaot
gaar genne Deense Dog in dun auto”. Alwir Antonio, zucht. Zoë ging het nog un tiedje daor. Op ut
end, Chicken Antonio taege Jolly Joker: “Godde meij nao hoës jông, daa wiës ik ow de waeg….”